.svg)
Iti pannakaisurat daytoy, dagiti NFT ket kaaduan a naus-usar a mangibagi kadagiti digital nga obra ti arte ken dagiti ilustrasion. Nupay kasta, dagiti agpabaro ket agtultuloyda a mangsukisok kadagiti dadduma a kaso ti panagusar ken kanayon a mangporma manen ken mangdepinar manen no ania ti maysa nga NFT. Iti pannakaibaga dayta, kitaentayo a dagus no ania dagitoy a nagduduma a kaso ti panagusar.
Iti agdama, dagiti NFTs ket nadagsen nga maus-usar iti industriya iti panagay-ayam, kangrunaan na iti aspeto ti Play-to-Earn, nga mangipalubos kadagiti agay-ayam nga makagun-od kadagiti gunggona nga addaan iti pundo nga pateg wenno presyo ditoy lubong babaen ti panangileppas kadagiti trabaho, pannakidangadang kadagiti sabali nga agay-ayam, ken panagrang-ay babaen dagiti lebel. Ditoy dagiti NFTs ket mangibagi kadagiti sanikua iti uneg ti ay-ayam a kas dagiti aksesorios, monster, wenno uray pay dagiti ramit. Dagiti NFTs ket mangpabalin ti pudno a panagtagikua kadagiti sanikua ken dagiti banag, a mangted kadagitoy ti kanayonan a pateg iti ngato dagiti gagangay a kudil a makitam iti CS:GO wenno Fortnite.
Iti pay mainayon, gapu ta dagiti NFTs ket naibatayda iti blockchain, dagiti sanikua iti uneg ti ay-ayam a naibagbaga a kas dagiti NFT ket addaan ti abilidad a mausar iti ruar ti orihinal nga ekosistema ti ay-ayam. Panunotem ti panangusar iti igam iti uneg ti ay-ayam iti maysa nga ay-ayam ket kalpasanna usarem dayta iti sabali a panggep iti sabali nga ay-ayam!
Dagiti tattao ket nangrugida pay a nagsukisok ti panagbangon kadagiti metaverses iti aglawlaw dagitoy nga NFTs, a kas ti Decentraland ($MANA) ken The Sandbox ($SAND). Nalabit, ti kapatgan a panaggaraw iti panagay-ayam a pakairamanan dagiti NFT ditoy Pilipinas ket napasamak iti Axie Infinity, a sadiay dagiti managay-ayam ket agsasalipda iti tunggal maysa ken makagun-odda dagiti cryptocurrencies a kas subad.
Dagiti NFTs ket mangipalubos iti pudno nga panagtagikua kadagiti produkto iti kultura nga kasla iti art ken musika. Babaen iti panangpagbalin iti arte ken musika nga NFTs, dagiti artista ket mabalinda iti aglako nga direkta kadagiti managayat ken laksiden iti aniaman nga panagresistir nga mabalin nga manglapped kadakuada, nga kas dagiti gastos iti panagidulin, dagiti gastos iti panagipatulod, ken dagiti lohistika, ken adu pay nga dadduma. Babaen kadagiti NFTs, pudno tatta nga tagikuaen ken kuartaen dagiti artista iti obra da.
Maysa kaspangarigan ket iti pannakairuar iti espesial nga edision nga album iti Kings of Leon iti YellowHeart - maysa nga paglakuan iti NFTs nga naipangpangruna iti panagkonekta kadagiti musikero ken dagiti managayat da.
Idi Marso ti 2021, situtured nga inkeddeng iti Kings of Leon nga iruar iti kaunaan nga album iti NFT iti pakasaritaan iti industria iti musika. Inruar da iti album, ‘When You See Yourself’ kadagiti dadduma nga plataporma nga kasla iti Spotify, iTunes, Apple Music, ken Amazon, ngem iti bersion iti YellowHeart NFT iti kakaisuna nga pakairamanan iti napasayaat nga media - maysa nga moving album cover, digital download dagiti track nga na aramid, ken limitado ti edision na nga vinyl.
No maited ti abilidad ti NFT’s a mangibagi iti panagtagikua iti maysa nga sanikua, mabalin nga usaren dagiti NFTs nga mangibagi iti real estate nga kas iti daga, condominium, ken balbalay. Iti panangusar kadagiti NFTs nga mangpaneknek iti panagtagikua nga kasukat dagiti tradisyonal nga sertipiko ket dakkel nga mangkissay iti peggad iti panagpeke ken panagkusit bayat nga palakaenna dagiti makinkukua nga mangilako, mangbalido, ken mangpatalged kadagiti sanikua.
Ti sabali pay a mainaig nga aplikasion ket ti fractionalization dagiti NFTs. Kas pagarigan, mabalin nga usaren ti NFT a mangibagi iti maysa a talon idiay Batangas. Daytoy nga NFT ket mabalin nga irepresentar dagiti babbabassit nga NFTs, tunggal maysa ket mangibagi ti bassit a panagtagikua ti daga. Daytoy ti manglukat iti ruangan iti adu a posibilidad, agraman ti panangaramid iti panagtagikua iti daga nga ad-adda a magun-odan ken panagbingay iti matgedan kadagiti makinkukua.
Iti tay-ak iti panaglako, dagiti tattao ket nagsuksukisok no kasano nga dagiti NFTs ket makatulong nga mangpaadu iti pannakaammo iti marka, pannakipaset iti komunidad, wenno kinasungdo dagiti kostumer para kadagiti markada. Iti napalabas nga sumarsarno nga tawen, nakasarak dagiti nadumaduma nga kompanya kadagiti nainsiriban nga pamay-an nga mangilako iti markada babaen kadagiti NFTs.
Maysa nga ihemplo ket no kasano nga inruar ti Budweiser dagiti NFTs, nga nangted iti akses kadagiti agtagikua iti pribado nga event nga addaan iti libre nga agayus nga serbesa, live performances, tours, ken makapagagar nga giveaways. Ipakita na daytoy nga pagarigan no kasano nga usaren dagiti aglaklako dagiti NFTs tapno mangipaay kadagiti eksklusibo nga insentibo ken tumulong nga mangbangon iti komunidad.
No maipapan iti namnamaentayo iti masakbayan, ti teknolohiya dagiti non-fungible tokens nga saan nga mabaliwan nga token ket makagunggona iti dandani aniaman nga tay-ak nga kasapulan dagiti sertipikasion, orihinalidad, ken naggapuan. Dagiti NFTs ket lumablabas kadagiti digital nga panagparnuay nga obra ken mabalin nga usaren para kadagiti industria a kas ti panagmanehar ti kadena ti suplay, panagtiket, ken uray pay ti panagturay.
Para kadagiti supply chain, iti impormasion maipapan iti lokasion ti maysa nga kargamento, dagiti puerto a linasatna, dagiti trabahador a nangsukimat iti dayta, tunggal detalye maipapan iti temperatura, kadagsen iti kargamento, ken adu pay ket mabalin nga maikabil kadagiti NFTs ken mabalin nga madanon ti amin. Ti panangusar kadagiti NFTs ket makatulong kadagiti shipper nga mangsurot ken mangikkat iti panagpusek kadagiti linia ti suplay bayat a mangipaay iti kasapulan unay a kinalawag para kadagiti suplayer.
Mabalin nga aramiden dagiti tiket kadagiti konsierto, komperensia, ken dadduma pay nga pasamac babaen kadagiti NFT. No idilig kadagiti sistema ti panagtiket nga adda kadatayo ita, ti panagtiket ti NFT ket makasalbar iti adu a gastos manipud iti manpower agingga iti panagpataud ti tiket. Dagiti kasapulan a rekurso para iti panagtiket ket mabalin a panagpartuat ti landing page ken panagparang-ay kadagiti NFT. Tapno mainayon, imbes nga ibellengda ti tiket kalpasan ti pasamak, mabalin a pilien dagiti tumabuno a pagtalinaeden ti tiket ti NFT iti pitakada iti di nakedngan a tiempo.
Ti nasayaat a pangiyarigan iti daytoy ket ti panangiyam-ammo ti Coachella kadagiti koleksion da nga NFT agraman ti 10 a Coachella Keys NFTs nga agserbi a kas tungpal biag a VIP festival passes iti Solana blockchain a nakitinnulong iti FTX. Daytoy nga aramid babaen iti Coachella ket mabalin a bayadan ti makita a kas maysa a dakkel nga addang iti metaverse iti porma dagiti birtual a konsierto ti musika ken panangipaay iti digital a padas iti pudno a lubong.
Mabalin met nga ipatungpal dagiti NFT para kadagiti nadumaduma nga aktibidad ti gobierno a panagidulin iti rekord. Ti abilidad ti blockchain a mangtaginayon iti orihinal nga impormasion maipapan iti dandani imposible nga panangpeke kadagiti sertipiko ti pannakayanak, detalye ti seguro, diploma, ken uray pay dagiti pasaporte malaksid no maikompromiso wenno madadael ti naibatay a blockchain.
Maysa a pangiyarigan ket no kasano nga inusar ti San Marino ti teknolohia ti NFT a nangipaulog iti NFT-based Covid-19 passport idi pay 2021, a natalged ken awan pagkuranganna a nangpaneknek iti rekord ti panagbakuna ti maysa a tao.
Maysa pay, makatulong met dagiti NFT a mangirekord kadagiti napateg a transaksion, kas iti panaglako kadagiti alikamen wenno lugan, a dida madanagan a mapukaw wenno mabaliwan dagitoy a nasken a file. Daytoy a panagpasayaat ket maysa nga addang nga agturong iti panangidulin ti rekord no idilig kadagiti tradisional a papel ken digital a desdes kadagiti sentral a sistema ti pagipempenan.
Nadumaduma ken makabaro dagiti nadumaduma nga aplikasion dagiti NFT, manipud iti panagay-ayam agingga iti musika agingga iti real estate. Iti masakbayan, saan nga adayo a panunoten nga agtultuloy ti panagbalbaliw ken epekto dagiti NFT kadagiti nadumaduma nga industriya.
.svg)
.svg)
.svg)
.svg)
