.svg)
Karon nga tanang butang nahimo na nga digital - gikan sa komunikasyon hangtod sa streaming, pagkat-on, pagbasa, pagpamalit, pagduwa, ug uban pa - dili ikatingala nga ang finance kay maka-apas na pud. Ug dili, wa lang ko naghisgot bahin sa GCash, PayMaya, o uban pa na digital banks sama sa Unionbank o Tonik.
Ang akong gihisgotan kay bahin sa mga cryptocurrencies.
Sigurado ko kapila naka nakakita ani nga word sa Internet - mga tawo nga mo-ingon sama sa “to the moon” o naghisgot sa bag-ong uso nga sinsilyo nga ginganlan gikan sa usa ka iro sa comment section sa usa ka tawo.
Bale, unsa diay ni? Unsa man ilang gihisgutan? Di kinahanglan magpanic migo/ miga, ako sauna kay galibog pud pareha nimo.
Una pa ang tanan, magpaila diay usa ko. Akong ngalan kay si BitBit. Ako ug ang Bitskwela team kay motabang nimo sa pagsabot sa kalibutan sa cryptocurrencies!
Atong panguna nga tutokan kay ang Bitcoin usa sa pagkakaron — ang cryptocurrency nga nagsugod sa tanan.
Exciting ang Bitcoin tungod kay kini naa’y potensyal nga magbag-o sa paglihok sa kalibutan. Ang pagbayad sa imong binuwan nga bayronon sa VECO, pagpadala og kwarta sa gawas sa nasud, o bisan pagpalit og kape gikan sa imong lokal nga 7/11 dili na managsama.
Dili pareha sa fiat money, ang Bitcoin kay dili ma-hack, mapeke, maguba, o madani sa interes sa gobyerno o organisasyon. Ang Bitcoin makatabang pud sa pagpalambo sa financial inclusion, laban kontra sa inflation, ug insentibo sa renewable energy. Ang mga posibilidad walay katapusan!
Kung gusto pa ka makahibalo ug dugang pa na impormasyon bahin sa kung unsa ang Bitcoin ug kung giunsa ni pagtrabaho, naa ra ka sa saktong lugar. Pabilin lang dinhi, ug mosaad ko na dili ko mahimong grabe ka teknikal.
.svg)
.svg)
.svg)
.svg)
