Risk Management sa Trading ug Investing

Kung giatubang ang mga cryptocurrency markets, importante kaayo ang manage sa mga investments sa usa ka taw. Kung mu-ingon mi nga manage investment, wa mi ga-ingon nga mamili ug sakto nga cryptocurrency nga i-invest, pasabot namo ani kay ang pagprotekta sa portfolio sa usa gikan sa bisan unsa nga pagkaguba.

Sa tinuod lang, common kaayo para sa mga bag-o lang nagsugod nga pasagdan ilang (paubos) na nga investments nga musamot pa ug ka-ubos. Bisan ug maka-ingon ka nga “common sense” para dili padak-on imong losses, ang investors, labi na ang mga bag-o pa kay ipa-una gyud ilang emosyon, nga mao hinungdan nga mugunit pa sa ilang losing positions nga nagtuo nga maka-recover pa sila. Sa kani nga section, atong sturyahan unsaon paglikay ana tanan gamit ang risk management, ug kung nganong importante ni para sa traders ug investors.

Risk Management

Ang risk management kay ang pag manage sa risks. Ang risk nagpasabot sa posibilidad nga ang investment ma-adto sa pinabali nga gipaabot nga pagbalik. Pananglitan, kung mupalit ka ug Bitcoin nga $20,000, naa’y risk nga munaog gyud ni ug $19,999 o mas ubos pa. Ang risk management, makatabang sa investors na maka-andam sa mga risk involved ug makaseguro nga ilahang losses kay kontrolado ug naa sa tolerable ra nga lebel.

Unsaon Pagmanage ug Risk

Ang unang step sa risk management kay ang pagplano. Kung naa ka’y maayo nga plano ug kung sundon lang ni nimo sugod pa lang. Ang maayong plano kay ang pagkahibalo sa imong:

• Entry point/s - kung unsang presyoha ka musugod
• Exit point/s - kung unsang presyoha ka muhawa kung imong investment strategy kay sakto, o sayop
• Defined risk before buying - ang gidak-on sa amount nga imong andam i-risk ani nga investment

Gawas pa ani, maayo pud nga naa ka’y back up plan. Plano nga ingaso naa’y dili makita nga panghitabo nga makapugong ni nimo sa imong original nga plano. Pananglitan, ganahan ka ibaligya imong bitcoin, pero nagbasyon pa ka nga wala’y internet access, unya ang presyo sa bitcoin kay magkanaog na. Unsaon man na nimo?

Ang position size kay ang gidak-on sa imo gi-allocate sa imong portfolio para sa imong investment. Kani ang sunod nga step. Ang position size nagsulti kung unsa kadako ang risk ug reward nga imong andam kuhaon para sa particular nga investment. Ang golden rule sa position sizing kay dili gyud ka mu-all in o imong ihatag tanan nimo kwarta sa usa ka investment. Kani tungod kay imo lang i-expose imong kaugalingon sa grabe nga risk, ug usa ka gamay na sayop, mawipe out imong portfolio. Kasagaran, ang pag all in kay maka-apekto pud sa taw nga nag-manage sa investment, nga mahimong clouded ilahang judgement tungod kay dako kaayo ug risk.

Risk Management Strategies

Gikonsiderar ang mga concept sa ibabaw, mahimo na nato ipadayon ang paghisgot sa duha nga core risk management strategies nga gigamit sa investors ug traders.

1. Diversification

Ang diversification kay ang pag-allocate sa imong capital sa lain-lain nga investment para maprotektahan ug preserve imong capital samtang gakita pa ka. Nakadungog na siguro ka sa phrase nga “Don’t put all of your eggs in one basket.” Ang diversification sa cryptocurrencies kay mahimong magbutang ug allocation sa lain lain nga type sa cryptocurrencies pareha sa layer 1s, DeFi, stablecoins, etc. Diversification gawas sa crypto kay makuha sa pag-allocate ug capital sa lain-lain assets, sama sa stocks, bonds, ug real estate, lahi pa sa crypto.

2. Value-at-Risk (VaR)

Ang Value-at-Risk kay nagrepresentar sa gidak-on sa imong andam mapildi sa investement. Kahinumdum ka sa third essential nga bullet point nato sa pikas section “How to manage risk?” Ang VaR ang kasagaran gi-quote sa percentage terms. Pananglitan, kung imong risk management strategy kay nag-involve sa pag-set ug Var nga 1% sa portfolio nga worth $10,000, pasabot ani andam ka mu-risk na mapildi yung mga $100 ani nga investment ingkaso sayop ka sa imong outlook. Ang VaR kay strategy nga mao’y gigamit sa mga traders sa pag-manage ug risk sa ilang trades.

Ngano kinahanglan ta mu-manage sa risk?

1. Capital Preservation

Ang pinakanindot nga market participants kay nag-incorporate ug risk management strategies para makalikay sa pagkapilidi ug pagkawala sa kontrol. Kung ma-manage ang risk, ang market participats kay maka-abli sa ilang kaugalingon ug pagkita ug kwarta sa market. Isip usa ka general rule, ang Value at Risk (VAR) nga 1%-2% kay gigamit para ma-limit ang downside sa bisan unsa nga portfolio. Sa Php 100,000 nga portfolio, bisan unsa nga trade o investment kay dapat naa ra’y downside risk nga Php 1,000 - Php 2,000. Ang pag-preserve sa capital kay importante sa investment strategy para makaseguro nga ang capital kay intact gihapon ug naa pa para sa deployment ug maabot ang oras nga naa’y maabot na maayo nga market opportunities. Ang capital kay pwede pud mapreserve gamit ang portfolio diversification sa daghan nga financial instruments sama sa bonds, currencies, ug mutual funds.

2. Investment Edge

Para makakita gikan sa markets, ang investment edge kay dapat nahibal-an na usa pa mu-entry sa trade o investment. Ang edge kay nagpasabot nga naghatag nimo ug advantage kompara sa uban investors nga nagpasalig sa emotion, nag-access ug special nga impormasyon, o sa imong style sa pagbasa ug chart. Sa lain pa nga kaso, ang risk management kay grabe ka powerful nga tool na gigamit sa investors as edge nila. Importante pud mahibalo sa profitability sa usa ka investment edge kay pwede ma-ilis sa mulabay na panahon nga nagkasaka ang market, tungod kay sa bisan unsang event o sitwasyon sa market kay lahi.

3. Loss Recovery

Sa pagtaas sa imong percentage sa pagkapilid, ang percentage nga kinahanglan maka-breakeven kay nagkataas pud. Importante hunahunaon ni para mahibalo unsa ang gidak-on sa imong andam i-risk sa bisan unsang trade o investment usa ka mapildi. Ang 50% nga pagkapildi kay manginahanglan ug pagsaka nga 100% para makabreakeven sa trade. Tan-awa ang table sa ubos.

Investing Psychology

Uban sa risk management, ang investor dapat pud magkuha ug tarong nga investing psychology sa ilang financial decisions. Ang human psychology dako ug role sa pag-invest, ug pwede nga delikado kaayo nga pitfall kung dili ma-check. Gilista sa ubos ang uban sa mga common nga behavioral traps sa pag-invest ug unsa imong mga dapat likayan.

1. Anchoring Trap

Ang anchoring trap kay usa ka bias nga nagpasabot sa pagsalig ug maayo sa giplano daan nga mga idea. Pananglitan, imong gigahin imong tibuok buwan sa pagresearch sa particular nga cryptocurrency, unya nakombinsi ka nga mao gyud ni ang next coin nga mu-skyrocket. Pero, nilabay ang pila ka buwan, wala gyud nilihok ang coin. Sa ibabaw pa gyud ana, naa’y daghan kaayo nga red flags nga nagpakita, pareha sa founders nga dili na kaayo active, ang community nga nawagtangan na ug members, etc. Pero, tungod kay ni-commit ka ug dako nga oras sa research ani nga coin, di ka magpa-ilis sa imong panan-aw bisan nag-ingonn na ang market sa bali nga sitwasyon.

Pwede ka makalikay ani nga trap sa pagka open minded sa bag-ong impormasyon ug ideas. Napa’y napu ka libog nga mga cryptocurrencies sa space nga mapilian sama sa pagka-investor ug makigkompetensya ingon usa ka project.

2. Confirmation Trap

Gikan sa pangan mismo, ang confirmation trap mahitabo sa pagpangita ug confirmation gikan sa uban. Butang ta nga mahitabo mu-invest ka sa bag-o nga coin sa cryptocurrency, pero sa kabati, ang coin kay usa ka rug pull human a usa ka buwan. Mahimo ka mangayo ug tambag ug comfort sa ubang members sa community nga na-scam pud. Makatabang ni nimo nga mutuo na ang founders kay mubalik o ang project kay buhi pa bisan ug dili pa ni andam.

Labing maayo likayan ni nga trap pinaagi sa pagdawat sa realidad sa investing kay naa gyu’y kapildihan mao nang importante ang risk management. Importante pud ang pag-move on dayon para di kaayo ka masakitan. Ang confirmation ang butang nga imong gikinahanglan.

3. Blindness Trap

Ang blindness trap kay ang bias nga kung asa ang usa mu-shut off sa contradicting information o panan-aw. Ang trap kay delikado kaayo kay magpugong ni nimo sa pagatubang sa realidad nga sayo pa, ug magpugong pud nimo nga makadawat ug pagkapildi samtang gamay pa ni. Example ani kay kung naa’y scandal gi-post online bahin sa usa ka cryptocurrency founder, pero imo pilion nga dili tagdon tungod kay naka-invest na ka ug dako ani nga project.

Sama sa solution sa anchoring trap, kinahanglan abli imong hunahuna sa bag-o na mga impormasyon ug dapat pirmi ka andam nga naa gyud mga panghitabo nga dili mu-angay sa imong gusto.

4. Relativity Trap

Ang relativity trap usa ka bias nga gibase sa comparison sa success sa ubang mga taw. Nakita nimo ang imong amigo nga nagbyahe sa Europe o nagpalit sa pinaka bag-o nga modelo sa awto, ug nagsugod ka nga ikompara ang imong kahimtang ug kalipay sa ilaha.

Ang relativity trap kay common ug natural pa sa pipila kanato. Normal ra ang pagbati nga gusto nga makaapas sa gipalit o gi-invest sa ubang mga tawo. Bisan pa, kinahanglan nimo nga ibase ang imong kalipay ug mga investing goals sa imong kaugalingon ug dili para sa uban.

5. Superiority Trap

Kasuway na ka anang mga panahon nga dili ka pwede masayop? Mao na ang superiority trap. Kanang confident kaayo ka ug usa ka investment ug dili gyud ka makahunahuna nga naa pa’y better alternative, ang feeling sa superiority kay mao ang maka-cloud sa imong judgement.

Kani nga trap kay dili ra layo sa pagkamapahitas-on. Dapat pirmi ka maghunahuna nga ang humility kay usa sa paagi nga ma-successful ka sa pag-invest. Kung abli imong hunahuna ug mu-consider ka sa mga sitwasyon nga bali sa imong gusto kay makatabang nga makalikay nka ani nga trap.

Sa pag-invest, dili igo ra nga kahibalo ka mudrawing ug arte arte nga lines sa chart, pagkuha sa pinakabag-o nga impormasyon, o pagkupot sa pinakasikat nga cryptocurrencies. Ang usa ka investor dapat pud magpractice ug tarong nga risk management ug dapat maghunahuna sa mga psychological traps usa pa mu-succeed sa bisan asa nga financial market. Ang pagpraktis sa tanan nga among nahisgutan ani nga module kay maka-save nimo ug dako nga kwarta in the long run. Best of luck nimo, investor!