Mga lain-laing Klase Sa Blockchain

Ang Blockchain technology nakakuha og dakung popularidad sa milabayng mga tuig, labi na sa popularidad sa mga cryptocurrency sama sa Bitcoin ug Ethereum.

‍

Sa sugod sa 2023, ang pagtaas nga kini sa popularidad nagdala usab sa pagsaka sa pag-adopt sa blockchain technology sa mga pribadong mga negosyo sama sa Adobe, J.P. Morgan, Mastercard, Shell, ug McDonald's. Ug dungagan pa, ang ubang mga gobyerno sa lain-laing mga nasud nagtukod usab sa pag-explore sa blockchain technology, sama sa Australia, South Korea, ug Japan.

‍

Basin makapangutana ka, pareho ba kaha silang tanan ug gigamit nga klase sa blockchain? Ang dali nga tubag kay dili! Ang lahi-lahi nga blockhain kay lahi-lahi pud ug mga kinahanglanon, ug ato pa ni'ng i-explore ani nga module.

‍

Naa'y tulo ka mga klase sa blockchain: Public Blockchains, Private Blockchains, ug Hybrid Blockchains

‍

Public Blockchains

‍

Ang public blockchains kay fully decentralized, nga nagpasabot nga kadtong naay access sa internet mahimong maka-participate sa network. Tanan nga mga partisipante makabasa, makasulat, ug makapahigayon og audit sa blockchain sa tinuod nga panahon.

‍

Aron mas masabtan pa ni nato, hunahunaon nato nga naa ta'y network nga may 5 ka mga partisipante: Vince, Josh, Andrea, Chelle, ug Mitchie. Sa usa ka public blockchain, ang tanang lima ka mga tawo makatabang sa blockchain basta sundon lang nila ang mga protocol sa blockchain. Walay usa nga gilay-ong, bisan ang ilang mga amigo kay pwede mu-apil sa network.

‍

Kung naa'y bag-o nga data nga kinahanglan idugang sa public blockchain, kinahanglan magkasinabot ug makakuha una ug consensus bag-o magdugang ani.

Ang Bitcoin (BTC) ug Ethereum (ETH) mga ilhado nga cryptocurrency nga naa'y ingon ani nga klase sa blockchain. Aron mapreserba ang decentralization, naa silay mga consensus mechanism sama sa proof-of-work ug proof-of-stake - atong ihunahuna kini nga mga mekanismo unya.

‍

Private Blockchains

‍

Ang private blockchains kay mao ang bali sa public blockchains. Centralized ni sila, nga nagpasabot nga kontrolado kini sa usa ka organisasyon ug ang mga transaksyon di kaayo transparent sa bisan kinsa. Gamay ra nga miyembro ang maka-participate sa network

‍

Para mas klaro, hunahunaon nato nga naa ta'y network nga may 5 ka mga partisipante: Vince, Josh, Andrea, Chelle, ug Mitchie. Sa usa ka private blockchain, ibutang nato nga si Andrea ug Chelle, sa lima ka mga partisipante, ang maka-contribute sa blockchain tungod kay sila lang ang napili nga sundon ug ipatuman ang mga protocol sa blockchain. Pasabot ani kay si Vince, Josh, ug Mitchie wala na'y labot sa partisipasyon.

‍

Ang mga benepisyo sa usa ka centralized network mao nga naa'y mas gamay nga bad actors nga pwede maka-harm sa network ug mas gamay nga participantsang kinahanglanon aron makumpirma  ang mga transaksyon. Apan, ang kahinungdanon kay dapat naa'y dakong pagsalig sa sa organisasyon nga dili makadaot sa ilang kaugalingong network.

‍

Ang bag-ong impormasyon sa blockchain idugang kkung ang mga participants (ingon ni Andrea ug Chelle) sa network magkasinabot ug makakuha ug consensus.

‍

Ang Ripple (XRP) kay usa ka ilhado ngacryptocurrency nga naa'y kaugalingong private consensus mechanism. Ang mga partisipante sa ilang network kay  usa ka grupo sa mga bank-owned servers mga transaksyon. Ang private blockchains kay mas gi-tan-aw nga mas maayo nga fit sa pag-manage sa mga negosyo.

‍

Hybrid Blockchains

‍

Ang hybrid blockchains kay usa ka kombinasyon sa public ug private blockchains. Dili kaayo sila centralized kompara sa private blockchains. Naa gihapo'y organisasyon nagpalikod sa network, apan ang proseso sa pag-approve sa transaksyon kay dencentralized gihapon.

‍

Balikon nato ang 5-participant example, sa kaso sa Hybrid Blockchain, si Andrea ug Chelle ang napili nga mu-contribute sa blockchain ug mag-approve sa mga transaksyon (private aspect). Kung naa'y problema bahin sa usa sa ilang gi-kumpirma, ang proseso sa pagdesisyon sa kung kinsa sa duha ang mukumpirma sa transaksyon kay pwede desisyonan ni Vince, Josh, o Mitchie (public aspect). Niini nga paagi, ang proseso sa pag-approve sa transaksyon naa'y public ug private aspects.

‍

Kini nga klase sa blockchain kuhaon kung kinsa ang pinakamaayo sa duha: ang governance sa usa ka private blockchain ug ang transparency sa usa ka public blockchain.

‍

Ang XinFin usa ka cryptocurrency nga base sa Ethereum ug Quorum, nga mga public ug private networks. Ang Hybrid blockchains kay gi-ila nga mas maayo sa pag-manage sa business opeations. Pananglitan, ang XinFin gigamit aron tabangan sa pag-manage sa supply chain logistics.

‍

Gikan sa decentralized (public) ngadto sa centralized (private), ug bisan ang mix of both (hybrid), ma-ilhan na nimo ug unsa ang kalahian sa blockchain sa pag tan-aw lang kung gi-unsa ni pag-govern. Karon nga naa na ta'y idea ug unsaon ni nato pag-classify, padayon na ta sa micro view sa blockchain gamit ang Layers sa Blockchain Architecture.