Kasaysayan sa Bitcoin

Ang ideya sa Bitcoin, una gipaila sa panahon sa Global Financial Crisis kaniadtong 2008. Pag Oktubre 31, gi-upload ni Satoshi Nakamoto ang ilahang authored whitepaper na gipanganlan ug "Bitcoin: A Peer-to-Peer Electronic Cash System" kung diin nila gibutang ilang ideya para sa desentralisado nga digital nga kwarta — pagkuha sa panginahanglan alang sa pagsalig ug mga tigpataliwala sa mga transaksyon.

Gihimo ni Satoshi Nakamoto ang Bitcoin tungod kay ganahan sila ug ticket pagawas sa kasamtangan nga sistema sa pinansyal nga gihampak sa pagpanglimbong, korapsyon, manipulasyon, sekreto, ug pagkadili matinuoron. Gusto ni Satoshi nga tangtangon ang panginahanglan sa pagsalig sa pinansya.

Wala gyu’y kaila kung kinsa o unsa si Satoshi Nakamoto. Ang pangalan nga “Satoshi Nakamoto” kay usa ka pseudonym nga ang usa ka taw o gurpo sa mga taw nga nag-angkon alang sa usa ka partikular nga katuyoan, nga lahi sa ilang orihinal nga ngalan.

Daghang mga tawo ang gituohan nga sila si Satoshi Nakamoto, apil sila Shinichi Mochizuki, Ross William Ulbricht, Hal Finney, Nick Szabo, ug Adam Back. Pero, wala’y klaro nga tubag kung kinsa gyud si Satoshi Nakamoto… Tingali dili na gyud nato na mahibal-an.

Niadtong Enero 3, 2009, ang network sa Bitcoin nabuhi uban ni Satoshi Nakamoto nga nagmina sa genesis block sa Bitcoin (block number zero), nga nagmugna sa unang singkwenta (50) nga bitcoin nga naglungtad.

Ingon ini ang hitsura niini:

Ang teksto nga gisukip sa genesis block na mabasa ug: "The Times Jan/03/2009 Chancellor on brink of second bailout for banks." 

Kini usa ka reperensiya sa newspaper headline sa eksaktong adlaw nga gimina ang genesis block (tan-awa ang litrato sa ubos). Kini nagsimbolo kung giunsa pagpiyansa sa gobyerno ang mga bangko ug institusyon sa panahon sa Global Financial Crisis, nga nagpadayag sa pagpihig ug korapsyon nga naa sa ekonomiya.

Ang pinaka una nga transaksyon sa Bitcoin kay nahitabo kaniadtong Enero 12, 2009, sa dihang gipadala ni Satoshi Nakamoto si Hal Finney, usa sa unang mga misuporta ug nagsagop sa Bitcoin, napulo (10) ka bitcoin.

Niadtong Agosto 6, 2010, usa ka kahuyang ang nakita sa Bitcoin protocol, nga nagtugot sa dili maayo nga mga aktor sa paghimo sa binilyon nga bitcoin nga naglungtad. Pipila ka oras ang milabay, ang Bitcoin protocol kay gi-upgrade aron ayohon ang pagpahimulos. Mao kadto ang bugtong mayor nga depekto sa seguridad nga nakaplagan sa kasaysayan sa Bitcoin.

Ang unang komersyal nga transaksyon sa Bitcoin nahitabo kaniadtong Mayo 22, 2010. Si Laszlo Hanyecz, usa ka programmer gikan sa Florida, mibayad ug 10,000 bitcoin alang sa duha ka Papa John's Pizzas. Tungod niini, ang Mayo 22 karon usa ka holiday sa Bitcoin nga ginganlag "Bitcoin Pizza Day".

Gikan sa talagsaon nga ideya ni Satoshi Nakamoto ngadto sa kalibutanon nga buhat sa pagpalit og pizza, ang kasaysayan sa Bitcoin siguradong angay nga hisgutan.

Ang tanan nga mga panghitabo nga nakatampo sa kasaysayan sa Bitcoin misangpot sa Bitcoin nga atong nadungog karon - usa ka global nga desentralisado nga digital currency nga nagtubo sa usa ka exponential rate nga adunay napulo ka milyon nga mga tiggamit sa tibuok kalibutan.

Makapaikag, dili ba? Ali ug mopadayon na ta sa sunod nga topiko.