Sonic (ceb)

Sonic

Ang Sonic usa ka Layer 1 nga blockchain nga gitutokan ang kusog nga performance, compatible sa Ethereum Virtual Machine (EVM), paspas, scalable, ug segurado.

Andam ang Sonic nga musuporta sa sunod nga henerasyon sa mga decentralized nga apps o dApps.

Mekanismo sa Panagkasabot

Ang consensus sa usa ka decentralized nga sistema usa ka importante nga proseso nga nagsiguro nga magkauyon ang tanan nga partisipante sa kasamtangang kahimtang sa blockchain. Kini nagpanalipod nga ang tanang transaksyon masusi og tarong ug luwas sa tibuok network, ug malikayan ang pagpanglimbong o pag-ilis sa datos sa mga dautang tawo.

Ang Sonic naggamit og kombinasyon sa Proof-of-Stake, Asynchronous Byzantine Fault Tolerance (ABFT), ug Directed Acyclic Graphs (DAG) aron makab-ot ang epektibo ug paspas nga consensus.

Ang Proof of Stake (PoS) usa ka klase sa consensus mechanism nga nagpalig-on sa seguridad ug kahusayan sa blockchain pinaagi sa paghatag og gahum sa mga validator nga makahimo ug makasusi og bag-ong blocks base sa gidaghanon sa tokens nga ilang gikuptan ug andam ipusta isip garantiya.

Ang Asynchronous Byzantine Fault Tolerance (ABFT) nagtugot sa mga node nga makab-ot og panagkasabot bisan wala nagkinahanglan og hapsay o sunod-sunod nga pagkumpirma sa mga block. Imbis, nagtinabangay sila og kumonikasyon nga walay klarong order (asynchronous), nga nagpasayon ug nagpaspas sa pagproseso sa mga transaksyon ug nakapalambo sa kahusayan sa network.

Ang Sonic naggamit og Directed Acyclic Graphs (DAG) aron mas mapaayo pa ang iyang consensus mechanism. Sa DAG, ang mga transaksyon gipakita isip mga vertices (mga punto), ug ang ilang kalambigitan mao ang mga edges (koneksyon). Tungod sa kini nga proma, daghang transaksyon ang pwede ma-proseso sa samang oras, ngamakatabang malikayan ang paghinay nga kasagarang mahitabo sa sunod-sunod nga block processing.

Mga Lakang sa Proseso sa Panagkasabot sa Sonic

1. Pagsumite sa Transaksyon: Ang user magsumite og transaksyon ngadto sa network.

2. Pag-grupo: Ang validator mag-grupo sa mga transaksyon aron makahimo og bag-ong event block.

3. Paghimo sa Root Event Block: Ang event block mahimong root event block kung magkauyon ang kadaghanan sa mga validator.

4. Pag-finalize: Ang root event block ipahimutang sa husto nga order ug i-apil sa main chain, nga mao ang opisyal nga blockchain para sa tanan nga nagkasinabot nga transaksyon.

Kini nga proseso mahuman dayon sa ubos pa sa usa ka segundo, mao nga paspas kaayo ang pag-finalize sa mga transaksyon sa Sonic. Lahi gyud ang kapaspas ani!

Mga Pangunahing Feature ug Benepisyo sa Sonic

1. Kapaspas ug Scalability

Usa sa pinakanindot nga feature sa Sonic mao ang kapasidad sa paspas nga transaksyon ug scalability:

Transaction Throughput: Ang Sonic makaproseso og hangtod 400,000 nga transaksyon kada segundo (TPS), mao nga bagay kaayo ni para sa mga dako og panginahanglan nga apps sama sa gaming ug DeFi.
Sub-Second Finality: Ang mga transaksyon ma-finalize sa ubos pa sa usa ka segundo, nga nagpasabot nga dali kaayo ang kumpirmasyon ug mas nindot ang experience sa mga user.

2. Full EVM Compatibility

Tungod sa pagkasuporta sa Sonic sa EVM, magamit sa mga developers ang mga pamilyar nga tools ug libraries. Kini nga feature nagpasayon sa pag-deploy sa smart contracts ug nagdasig sa daghang Ethereum developers nga mogamit sa Sonic.

3. Mga Ganti para sa mga Developer

Naghatag ang Sonic og lain-laing mga ganti ug benepisyo nga gituyo aron maka-engganyo ug masuportahan ang mga developer:

Fee Monetization (FeeM): Makakuha ang mga developer og 90% sa mga bayad nga makuha sa network gikan sa ilang mga aplikasyon, nga naghatag og sustainable nga paagi para maka-income.
Innovator Fund: Naay espesyal nga pondo nga 200 milyon ka S tokens para tabangan ang mga bag-ong proyekto ug suportahan ang padayon nga inobasyon sa ecosystem.
Airdrop Rewards: Dugang nga 190,500,000 ka S tokens ipang-apod-apod aron ma-engganyo ang mga user nga mo-apil ug mo-aktibo sa Sonic ug Opera chains.

4. Pag-deploy sa Smart Contract

Sayon ra ang pag-deploy sa smart contracts sa Sonic tungod sa lig-on nga sistema niini:

RPC Connections:

Blaze Testnet: [https://rpc.blaze.soniclabs.com]
Mainnet: [https://rpc.soniclabs.com]

5. Pag-stake ug mga Ganti para sa Validator

Ang Sonic nag-engganyo sa mga tiggamit nga muapil sa network pinaagi sa staking nga mekanismo:

Staking Platform: Pwede ang mga user mo-stake sa native nga token nga S gamit ang MySonic.

6. Sonic Gateway: Nagkonektar sa Ethereum ug Sonic

Ang Sonic Gateway nagsilbing decentralized nga tulay nga nagkonektar sa Ethereum ug Sonic:

Giunsa Pagtrabaho:

Deposit: Ang mga asset nga gipadala sa tulay molungtad og mga 15 minutos sa Ethereum ug mga 1 segundo ra sa Sonic.

Heartbeat: Ang mga transaksyon giproseso og grupo (batch) kada 10 minutos gikan sa Ethereum padulong sa Sonic, ug kada oras gikan sa Sonic balik sa Ethereum.

Claim: Maka-finalize ug makuha sa mga user ang ilang asssets sa destination nga chain.

7. Mga Paagi sa Seguridad

Ang Sonic nagbuhat og daghang seguridad nga feature para maprotektar ang mga tiggamit ug makamintinar og integridad sa network:

Fail-Safe Mechanism: Kung mapalpak ang gateway sulod sa 14 ka adlaw nga sunod-sunod, pwede na ang mga tiggamit nga kuhaon balik ang ilang bridged assets sa Ethereum.

Fast Lane Feature: Pwede mopili ang mga tiggamit nga mobayad og gamay nga fee aron malikayan ang paghulat, ug mapadali ang ilang transaksyon para sa tibuok network.

Pagpadagan og Validator Node

Ang mga validator node importante para sa pagmintinar sa integridad og seguridad sa Sonic network. Sila ang mosusi sa mga transaksyon, maghimo og bag-ong blocks, ug mosiguro nga lig-on ug hapsay ang dagan sa blockchain.

Mga Lakang Aron Mamahimong Validator

1. Paglansar og Server Instance

Gamita ang usa ka dedicated o cloud-based nga server nga adunay igo nga resources.

2. Pag-instalar sa Gikinahanglan nga Software

I-set up ang mga blockchain tools nga kinahanglan aron mapadagan ang validator node.

3. Pag-sync sa Network

I-konek ang imong node sa mga node sa Sonic aron makasunod sa mga bag-ong transaksyon.

4. Paghimo og Validator Wallet

Ibutang sa luwas nga lugar ang pondo ug mga yawe sa imong validator.

5. Pag-stake og S Tokens

Kinahanglan og minimum nga 500,000 ka S tokens nga imong kaugalingong i-stake, apan posible kini mausab sa umaabot.

6. Pagparehistro ug Pag-activate

Kumpletoha ang kinahanglan nga setup aron makasugod ka og apil sa pag-validate sa network.

7. Pagmintinar sa Uptime

Kinahanglan pirmi online ug operational ang validator node aron malikayan ang penalty.

Sonic vs. Fantom Opera

Ang Sonic unang gi-launch sa Fantom Opera (FTM) blockchain, pero karon naglihok na siya isip independent nga Layer-1 blockchain. Tungod ani nga migration, mas maayo na niya ma-optimize ang iyang mga features ug sistema sa pagdumala.

Mga Detalye sa Token

S Token: Ang native nga asset sa Sonic gigamit para sa transaction fees, staking, governance, ug mga ganti sa validator.
FTM to S Upgrade: Kinahanglan i-withdraw ang na-stake nga FTM ug i-convert ngadto sa S human sa usa ka waiting period.

Mga Bayad sa Network ug Pagdumala

Ang mga bayad sa transaksyon sa Sonic gihimo aron patas ug sustainable ang sistema sa ecosystem.

Pagbahin sa Bayad

Para sa mga transaksyon sa mga app nga dili FeeM: 50% sa bayad sa transaksyon ang gisunog, 45% ihatag sa mga validators, ug 5% moadto sa Ecosystem Vault.

Para sa mga transaksyon sa mga app nga FeeM: 90% sa bayad sa transaksyon ihatag sa developer sa app, ug 10% gihatag sa validators.

Glossary

Airdrop

Libre nga crypto tokens nga gihatag sa mga tiggamit, kasagaran para pasalamatan ang pag-apil nila o aron i-promote ang bag-ong mga proyekto.

Asynchronous Byzantine Fault Tolerance (ABFT)

Paagi sa mga blockchain node nga magsabot sa datos bisan pa naay mga nodes nga dili maayo ang lihok, ug dili kinahanglan maghulat sila sa usag-usa. Nakatabang kini nga paspas ug luwas ang network.

Bridge

Usa ka gamit nga nagtugot nimo nga ibalhin ang imong crypto gikan sa usa ka blockchain (sama sa Ethereum) ngadto sa lain (sama sa Sonic).

Consensus Mechanism

Ang paagi nga gigamit sa blockchains aron masiguro nga ang tanan musugot sa unsay tinuod. Ang Sonic sagol nga naggamit og PoS, ABFT, ug DAG.

DAG (Directed Acyclic Graph)

Usa ka porma nga nagtugot nga daghang transaksyon ang dungan mahitabo imbis maghulat sa linya. Nakatabang kini sa kapaspas.

Developer Incentives

Ganti nga ihatag sa mga nagbuhat sa app, sama sa bahin sa transaction fees o grants, para magpadayon sila sa pag-develop sa plataporma.

EVM Compatibility

Nagasuporta ang Sonic sa Ethereum Virtual Machine, buot pasabot ang mga app sa Ethereum dali mapadagan pud diri.

Finality

Kung ang transaksyon kay 100% nga nakompirma ug dili na mailisan. Sa Sonic, kini mahitabo sa ubos pa sa 1 ka segundo.

Gas Fee

Ang gamay nga fee nga gibayad para iproseso ang transaksyon. Sa Sonic, ihatag ni sa validators ug developers depende sa app.

Governance

Paagi sa komunidad nga mobotar ug magbuot sa mga kausaban sa network. Ang mga tag-iya sa token ug mga validator ang adunay gahum niini.

Mainnet

Ang tinuod nga bersyon sa blockchain diin tinuod nga bili ang gibalhin (dili sama sa testnet nga para lang sa praktis).

Proof-of-Stake (PoS)

Usa ka pamaagi sa consensus diin ang mga tao mopusta og tokens aron tabangan ang seguridad sa network. Mas daghang tokens imong i-stake, mas dako ang imong gahum sa pag-validate.

Smart Contract

Code nga molihok dayon sa blockchain. Gigamit para maghimo og dApps.

Staking

Pagpusta sa imong tokens aron makatabang protektahan ang network ug makadawat og ganti.

Sub-Second Finality

Nagtumong kini sa kapaspason sa Sonic sa pagkompleto og pag-confirm sa mga transaksyon sa ubos sa usa ka segundo.

Validator

Usa ka partisipante nga nagkompirma sa mga transaksyon ug nagmintinar sa blockchain. Kinahanglan mo stake og tokens ug magpabilin nga online.

Wallet

Usa ka digital nga gamit para magtipig ug magdumala sa imong crypto. Ang mga validator usab mogamit og espesyal nga wallet para sa ilang trabaho.

Contact Sonic

Official Website

Contact Us

Sonic Swag